Vivimos ao día de hoxe as consecuencias mais salvaxes das ultimas decadas da explotacion neoliberal (teria que abondar con dicir “capitalista”) que se reflicte na situación de mozos e vellos, obreir@s e demáis asalariad@s, mulleres e homes do povo.
As esperanzas depositadas nos actuais xestores da desfeita económica, culturaL, ecolóxica, especulativa, etc que vive a patria, vense día a día novamente defraudadas.
Galiza segue sen ser quén de ter como governo unha forza política que dea un xiro verdadeiro á negación dos seus dereitos fronte aos intereses imperiais e das transnacionais que vorazmente tentan de converter a nosa terra nun sitio só vivibel para os turistas e só enriquecedor para o grande capital.
Crecemento do paro, da sinistralidade, da pobreza. Contratos lixo, emigración da nosa mocidade
Descenso da estabilidade laboral, dos salarios, das prestacións sociais.
Tal é o saldo de anos de “autonomía” e lealdade “constitucional” que, como se está a ver, a vindeira reforma estatutaria non solucionará, no caso de que non o faga máis penoso aínda.
A memoria dos que entregaron as súas vidas e as súas mortes por unha Galiza digna, Soberana e Socialista mírase vilipendiada e aldraxada.
A deturpación e castelanización da nosa cultura nacional non atopa o freo decidido que lle compre.
A nosa lingua (que é a do povo traballador), emblema da nosa identidade, segue sen conquerir a primacía absoluta no ensino e na vida pública que o povo merece logo de interminabeis décadas de asimilación e durísimas loitas contra da aniquilación españolista.
O PCPG saúda e apoia esta nova iniciativa unitaria chamada CAUSA GALIZA e chamamos a seguir traballando por achegar aínda máis forzas autodeterministas coincidentes, que na Terra existen, para enfrontar esta situación.
Declaramos asemade que as loitas dos povos do mundo situados coma o noso embaixo da ou das botas imperiais, nos ensinan unha lección radical: non poderán verse endexamais satisfeitas as nosas xustas aspiracións, de non se afortalar a unidade real, sentida, coherente e sin concesións das forzas que se reclaman contrarias ao sistema que está por detrás da nosa opresión social e nacional. E, consecuentemente, teria que ser máis claro ainda, que a unidade dos que loitamos polo socialismo e o comunismo é tamén requisito imprescindíbel desa victoria.
Asiste á manifestación unitaria que sairá da Alameda de Compostela este 25 de Xullo ás 13 hs.
¡¡VIVA GALIZA CEIBE E SOCIALISTA!!
Pola soberanía plena do povo galego
Polo noso irrenunciábel dereito de Autodeterminación Nacional!
(Premer aquí para voltar ao inicio desta nova)
