MANIFESTO PONTEVEDRA ANTI-TAURINA















M A N I F E S T O

Pontualmente e como todos os anos desde a imposión das touradas na nosa cidade comenzou a “Feria Taurina” , unha lamentábel exaltacón da violencia, á roda desta festa da tortura. Milleiros de pontevedreses/as viven estes dias como un mal inevitábel, que se agarda pase rápido encuanto se suporta con estoicidade. As celebracións espontáneas do povo nas rúas conviven con esta triste apoloxía da barbárie, com unha expansión planificada e financiada polo empresariado español, e acelerada hai poucos anos.

Mais até aqui chegamos. O dinamismo popular esnaquizou a pretensión por asociar as festas coas touradas, de tal forma que a imensa maioría da mocidade rexeita participar deste bárbaro espectáculo nestes días. Un grupo de colectivos e persoas decidimos este ano comenzar a loita para que as touradas pasem a ser um mal recordo do pasado máis escuro de Pontevedra. Opomo-nos a que a nosa cidade sexa sede para a realización deste simulacro de volta ao Réxime para nostálgicos amantes das torturas legalizadas e facémolo por diversas razons:

1) Como ecoloxistas comprometid@s coa defensa do medio, denunciamos o trato cruel e inhumano que os touros recebem no transcurso desta mal chamada festa. Durante o percurso da mesma, o touro é desgarrado, mutilado e torturado de diversas formas tentando facer pasar como valentia a crueldade e a violencia contra os animais, nun alarde de cinismo hipócrita.

2) Opomo-nos radicalmente a esta festa por estar indisolubelmente ligada ao fascismo . Se ben é evidente que nom nasceu com o golpe de estado do 36, lembremos como é que era chamada durante a Ditadura franquista: “La Fiesta Nacional”. Tamém como o rexime favoreceu a imposicón desta “tradición castiza” no noso país(Galiza), com un fracaso estrepitoso. Ao mesmo tempo, a composiçom ideolóxica dos sectores que asistem normalmente a estes actos non mudou en grande medida: Segue a ser o ponto de encontro da direita españolista, a sua festa estrela do ano, con todos os matices que se queiram.

3) Constitue unha “festa” imposta, españolizante, allea á nosa cultura. Pesia os innumerábeis intentos por introducir as touradas como parte da imposición da cultura española, tan só existe unha praza no noso país, propiedade dunha empresa madrileña. A povoación galega declára-se nun 80% allea às touradas , tal e como amostran as enquisas, e o fracasso continuado das touradas itinerantes no último século evidencia a total oposición a esta apoloxia do martírio animal.

4) As touradas son unha festa marcadamente machista, como se pode analizar na figura do toureiro (no 99% dos casos sempre home), quen sai teoricamente a demostrar o seu valor ante um animal moi perigoso, apreentandose como o cúmio da gallardia e da chuleria, como o epítome do macho ibérico. Por suposto, a plataforma non defende a igualdade de sexos á hora de protagonizar esta festa macabra, mais si a sua completa erradicación.

Por todo isto, Pontevedra Antitaurina fai um chamado ao conxunto das forzas sociais conscientes desta cidade para mobilizarnos em contra deste vergoñento show, para atinxirmos a seguinte tabela de vindicacións ante as diferentes administracións:

Deputación de Pontevedra

- Denunciamos a complicidade da Deputación de Pontevedra con estas “festas”, sendo a principal acreedora de cartos públicos a unha iniciativa privada e brutal como son as touradas. Non é tolerábel que semellantes práticas sexan subvencionadas con cartos de tod@s nós , no lugar de ser investidas noutras iniciativas sociais e culturais de necesidade.

Concello de Pontevedra

- Declaración de Pontevedra como “Cidade Ánti-taurina”, e “Amiga dos Animais” deixando claro que a celebración destes eventos non está ben vista.

- Cese imediato de calisquer colaboración coa empresa propietaria da praza , “Plazas y Toros S.L.” , asi como das posíbeis axudas públicas, sexan directas ou indirectas para con ela.

- Estudar e promover a expropiación e reconversion da Praza de Touros nun Coliseu para actuacións e espectáculos exclusivamente culturais e musicais, capaces de atraer un turismo de cualidade e alternativo ao actual efecto-imán que cada verao atrae á nossa cidade a un turista irrespetuoso coa cultura do noso país(Galiza).

- Completa supresion das touradas como reclamo turístico . Nen nas páxinas web, nen nas oficiñas de turismo, nen nas publicacións do Concelho, valorizando positivamente que teñan desaparecido do programa das festas.

- Erradicación do uso de espazos públicos para a promoción das touradas. Ningun outro evento do ano ten tanta presenza na rua como este, e desde logo non é de recibo que unha iniciativa privada empregue os espazos públicos de forma indiscriminada, sobre todo cando é unha grande difusora de valores como a violencia contra os animais, o machismo e o espanholismo.

- Instar á Xunta de Galiza a aprobar unha Lei de Proteción Animal que proibirá de forma explícita as touradas e todos aqueles espectáculos onde se produza a morte ou tortura de animais.

Parlamento e Xunta de Galiza:

- Aprobar unha “Lei de Proteción Animal” que cumpra o anterior, de facto xá recollido na lexislación europea e na carta universal dos dereitos dos animais.

Por todo isto animamos-vos a tod@s a participar en todas as actividades que poidamos levar adiante nas próximas semanas a partir do dinamismo popular.

Esta vergoña ten que rematar xá!

STOP TOURADAS!!!

PLATAFORMA ANTI-TAURINA DE PONTE VEDRA

[Voltar ao inicio desta nova]