Xornalistas do Novas da Galiza serán xulgados despois de desvelar nunha reportaxe os vínculos entre axentes do SVA e o contrabando A vaga represiva dos últimos meses non deixa de bater cada dia que pasa contra todos os que disentimos deste réxime "democrático”. Agora chegoulle a vez ao jornal soberanista NOVAS DA GALIZA. Lemos no nº 63 da publicación, que a ‘Axencia Tributaria’, organismo que depende directamente do “Ministerio de Economía y Hacienda”, súmase ao proceso xudicial iniciado em Xullo de 2006 contra dous xornalistas do NG. Daquela tratábase dunha reportaxe que evidenciaba as conexións de axentes do SVA coas redes de contrabando.
Reproducimos a continuación, transcrita literalmente a información que sobre o futuro xuizo de jornalistas dá este periódico soberanista e expresamos desde aquí a nosa solidariedade cos membros procesados do Conselho de Redación e co xornal, así como a denúncia deste novo proceso represivo da liberdade de información.
Pódese ver ao pé esta información, así como a ligazón que permite consultar as reportaxes que orixinan o presente proceso.
“AGÊNCIA TRIBUTÁRIA ENGROSSA O PROCESSO JUDICIAL CONTRA O NGZ
O processo judicial contra o Novas da Galiza que transcendia em Julho de 2006 incrementa-se agora com a intervençom da Agência Tributária, organismo do qual depende o Serviço de Vigiláncia Aduaneira (SVA). Se bem inicialmente fosse um funcionário a apresentar a denúncia por supostas “injúrias e calúnias com publicidade”, agora é a própria Agência Estatal de Administraçom Tributária a comparecer contra o jornal soberanista de informaçom crítica.
A nova denúncia, procedente dos tribunais de Sárria, incorpora o já processado número 30 desta publicaçom e acrescenta a reportagem central do número 37, correspondente a Dezembro de 2005. Nesta ediçom, o Novas penetrava nas redes ilegais do tabaco, desvendando a cumplicidade de agentes do SVA com a principal organizaçom contrabandista de tráfico irregular dirigido à Europa, com raízes na Galiza. Os dous números podem ser consultados na hemeroteca da página web coporativa do periódico.
María Teresa Pisano Avello, Delegada Especial da Agência Tributária, apresentou a denúncia contra dous integrantes da redacçom do Novas da Galiza acusando-os de “vários delitos de
calúnia com publicidade (…) contra funcionários públicos”.
O processo inicial contra o jornal soberanista começara em sedes judiciais viguesas que se tinham inibido, deslocando a sua instruçom para o Julgado nº 1 de Compostela. Quanto este chegava à fase de procedimento abreviado, o que presumia a iminência do julgamento, os recdactores imputados recebiam a notificaçom do novo processo ampliado procedente de Sárria. A Agência Tributária é umha entidade dependente do Ministério de Economia e Fazenda”.
Fontes: Ceivar / Novas de Galiza
Mais información en:
http://www.novasgz.com/index.html
[Voltar ao inicio desta nova].
