Máis de 500 persoas estivemos presentes na inauguración do monumento dedicado ao guerrilleiro Ernesto Che Guevara na Vila de Oleiros, con motivo do 80 aniversario do seu nacemento. A escultura, duns 5 metrtos de altura, 1,5 de ancho e 4 de largo, ficou erixida na chamada rotonda Nirvana, na mesma Avda Ernesto Ché Guevara, en Bastigueiro, no concello de Oleiros.
A obra consiste en dúas grandes pezas que vista de fronte forman a célebre imaxe do retrato realizado ao líder guerrilleiro polo fotógrafo Alberto Korda no ano 1960.
Trátase dunha fermosisima obra, que foi descuberta en presenza de Camilo Guevara, o fillo do Che e dos seus constructores, tamén presentes, os artistas cubanos Juan Quintanilla e Karoll William (gañadores do concurso realizado no Instituto Superior de Arte de Cuba a instancia do Concello de Oleiros). Ademáis, estaban presentes: o conselleiro cultural da embaixada cubana en España, Luis Toledo, e os cónsules xerais de Cuba en Santiago de Compostela, Alejandro Fuentes Hernández e de Venezuela en Vigo, David Nieves. Asistiron tamén compañeiros/as da solidariedade internacionalista, da Asociación de Amizade Galego Cubana “Francisco Villamil” e representantes de forzas políticas da esquerda e dos comunistas galegos, entre os que estaba unha delegación de varios camaradas do moso partido: o PCPG, así como da FPG, etc.
Despois dunha fermosa e comprometida introducción da xornalista e presentadora da TV Maria Tareixa Navaza, o Alcalde Ángel García Seoane, salientou a vida e obra do Guerrilleiro Heroico, loubando o seu labor como combatente e dirixente da Revolución cubana, as súas acheguas á loita dos povos e dos traballadores contra a opresión e o seu papel nas guerrillas de África e Bolivia, antes de ser asasinado nese país latinoamericano en 1967.
Fronte a un grupello de provocadores, que non pasaba de 8 ou dez fascistas e gusanos, que 
trataron ridiculamente de boicotear este acto, o compañeiro Gelo díxonos: "ben vindos ao territorio libre de Oleiros, os fachas non teñen nada que facer aquí!", e reclamou despois “exércitos de homes e mulleres que loiten por manter vivo o legado do Che”, criticou ao “Tío Sam” e ás “falsas democracias que promoven cruzadas coa escusa do terrorismo internacional para aniquilar aos povos”.
